ບໍລິສັດທາງລົດໄຟຈີນຈຳກັດສາຂາຄຸນມິງເປີດເຜີຍໃຫ້ຮູ້ວ່າ: ນັບມາຮອດວັນທີ 30 ກັນຍານີ້, ທາງລົດໄຟລາວ-ຈີນໄດ້ເປີດບໍລິການແລ່ນລົດໄຟໂດຍສານລວມທັງໝົດ 58.700 ຂະບວນ,  ຂົນສົ່ງຜູ້ໂດຍສານຫຼາຍກວ່າ 40 ລ້ານເທື່ອຄົນ, ໄດ້ດຶງດູດຜູ້ໂດຍສານ 282.000 ກວ່າຄົນທີ່ມາຈາກ 101 ປະເທດ ແລະ ເຂດແຄວ້ນຂອງໂລກ ເດີນທາງໄປທ່ອງທ່ຽວດ້ວຍຂະບວນລົດໄຟຜູ້ໂດຍສານສາກົນລາວ-ຈີນ, ໄດ້ມີບົດບາດທີ່ສຳຄັນໃນການຊຸກຍູ້ການພັດທະນາເສດຖະກິດຂອງພາກພື້ນ ແລະ ການແລກປ່ຽນວັດທະນະທຳ.