（ສະບາຍດີ ນັກຂ່າວໂລລາ）ວັນທີ 16 ກັນຍານີ້,  ລົດໄຟແຊ່ເຢັນສາກົນທີ່ບັນທຸກຜັກສົດ ແລະ ໝາກໄມ້ສົດເປັນຕົ້ນຂະບວນໜຶ່ງໄດ້ອອກເດີນທາງຈາກສະຖານີບໍ່ຫານຂອງເສັ້ນທາງລົດໄຟລາວ-ຈີນ, ເຊິ່ງເປັນຂີດໝາຍສະແດງໃຫ້ເຫັນວ່າປະລິມານຂົນສົ່ງສິນຄ້າສາກົນຜ່ານລົດໄຟລາວ-ຈີນໄດ້ບຸກທະລຸເຖິງ 10 ລ້ານໂຕນແລ້ວ.

ນັບມາຮອດປັດຈຸບັນນີ້, ການຂົນສົ່ງສິນຄ້າຂ້າມຊາດຕາມທາງລົດໄຟລາວ-ຈີນໄດ້ໄປຮອດ 12 ປະເທດທີ່ຮ່ວມກັນສ້າງ"ໜຶ່ງແລວໜຶ່ງເສັ້ນທາງ" ເຊັ່ນ: ລາວ, ໄທ, ຫວຽດນາມ, ມຽນມາ ແລະ ປະເທດອື່ນໆ  ພ້ອມດ້ວຍຕົວເມືອງຕົ້ນຕໍພາຍໃນປະເທດຈີນ,  ສິນຄ້າທີ່ຂົນສົ່ງຂ້າມຊາດເພີ່ມຂຶ້ນຮອດ 2900 ກວ່າປະເພດ, ລົດໄຟທີ່ເປີດບໍລິການສະເລ່ຍຕໍ່ວັນໄດ້ເພີ່ມຂຶ້ນຮອດ 17 ຖ້ຽວ. ເວລາຂົນສົ່ງສິນຄ້າຈາກລາວ ແລະ ໄທເປັນຕົ້ນໄປຮອດເອີຣົບຕາມທາງລົດໄຟໂດຍກົງໄດ້ຫຍໍ້ເປັນ 15 ວັນ, ຖານະບົດບາດຂອງຊ່ອງທາງໃຫຍ່ສາກົນໄດ້ນັບມື້ນັບຊັດເຈນຂຶ້ນຕື່ມ.