(ရောင်စုံတိမ်တံတား၊ မျိုးသူဇာကြော့) တရုတ်-လာအို ရထားလမ်းသည် တရုတ်နိုင်ငံနှင့် အရှေ့တောင်အာရှ၏ သစ်သီးဝလံနှင့် ဟင်းသီးဟင်းရွက် စျေးကွက်များကို ဆက်သွယ်သည့် အရေးကြီးသော သယ်ယူပို့ဆောင်ရေး လမ်းကြောင်း ဖြစ်သည်။ ယခုနှစ်တွင် တရုတ်-လာအို ရထားလမ်းတွင် လတ်ဆတ်သော သွင်းကုန်ပို့ကုန် သယ်ယူပို့ဆောင်ရေးပမာဏသည် တန်ချိန် ၆.၄ သောင်းအထိ ရှိရောက်ခဲ့ပြီ ဖြစ်ပြီး လွန်ခဲ့သည့်နှစ် အချိန်တူကာလထက် နှစ်ဆကျော် တိုးလာခဲ့၍ ၎င်းအနက် သစ်သီးဝလံ တန်ချိန် ၅.၈ သောင်းကို သွင်းယူခဲ့သည် ဖြစ်ကြောင်း သတင်းထောက်က China Railway Kunming Group Co.,Ltd. မှ သိရှိရခဲ့ပါသည်။

ကိန်းဂဏန်းအချက်အလက်များအရ မေလတွင် အရှေ့တောင်အာရှရှိ သစ်သီးဝလံကို စျေးတွင် အများအပြား စတင်ရောင်းချ ပြီးနောက် ယူနန်ပြည်နယ်ရှိ မိုဟန်ရထားလမ်းဆိပ်ကမ်းတွင် တင်သွင်းတင်ပို့သည့် သစ်သီးဝလံနှင့် ဟင်းသီးဟင်းရွက် သယ်ယူပို့ဆောင်ရေးပမာဏသည်လည်း အများဆုံးသော အချိန်ကာလကို ကြိုဆိုလာခဲ့၍ နေ့စဉ်ပျမ်းမျှ သယ်ယူပို့ဆောင်ရေးပမာဏသည် တန်ချိန် ၁၅၀၀ အထက်တွင် ရှိနေသည် ဖြစ်ကြောင်း သိရှိရခဲ့သည်။ ရထားလမ်းဌာနသည် "လန်ချန်း-မဲခေါင် အမြန်ရထားလမ်းကြောင်း" အအေးထိန်းရထားကို ပိုများစွာ ပြေးဆွဲစေခဲ့သည်။ နေ့စဉ်ပျမ်းမျှ ပြေးဆွဲသည့် ရထားကို မူလ ၁.၅ စီးမှ ၃ စီးအထိ တိုးလာစေခဲ့ပြီး အများဆုံးသောအချိန်တွင် ၄ စီးအထိ ရှိရောက်စေခဲ့ သည့်အပြင် အကောက်ခွန်ဌန၊ နယ်စပ်စစ်ဆေးရေးဌန စသည့်ဌနတို့နှင့် ပူးပေါင်းဆောင်ရွက်မှုစနစ်ကို ကောင်းမွန်လာအောင် ဆက်လက်လုပ်ဆောင်ခဲ့ရာ စစ်ဆေးရေး အစီအစဉ်များကို တစ်ဆင့်တိုး၍ အတိုချုံစေပြီး အကောက်ခွန်ရှင်းလင်းရေး စွမ်းဆောင်ရည်ကို တိုးမြှင့်စေခဲ့သည်။

ဤနှစ် ဇန်နဝါရီလမှ ဧပြီလအထိ တရုတ်-လာအို ရထားလမ်းတွင် သယ်ယူပို့ဆောင်ခဲ့သည့် ကုန်စည်ပမာဏသည် တန်ပေါင်း ၆.၅၅ သန်းရှိပြီး လွန်ခဲ့သည့်နှစ် အချိန်တူကာလထက် ၁၄.၉ ရာခိုင်နှုန်း တိုးလာခဲ့ကာ ၎င်းအနက် နယ်စပ်ဖြတ်ကျော် သယ်ယူပို့ဆောင်ခဲ့သည့် ကုန်စည်ပမာဏသည် တန်ချိန် ၁.၈ သန်း ကျော်လွန်ခဲ့ပြီး လွန်ခဲ့သည့်နှစ် အချိန်တူကာလထက်  ၂၄.၁ ရာခိုင်နှုန်း တိုးလာခဲ့သည်။ တရုတ်-လာအို ရထားလမ်းတွင် သယ်ယူပို့ဆောင်ခဲ့သည့် နယ်စပ်ဖြတ်ကျော်ကုန်စည် အမျိုးအစားသည်လည်း ဖွင့်လှစ်ခဲ့သည့် အစောပိုင်းတွင် ရော်ဘာ၊ ဓာတ်မြေသြဇာနှင့် ကုန်မျိုးစုံ စသည့် ၁၀ မျိုးကျော်မှ အီလက်ထရွန်၊ photovoltaic၊ မော်တော်ကား စသည့် အမျိုး ၂၉၀၀ ကျော်အထိ တိုးချဲ့လာခဲ့သည်။