（ສະບາຍດີ ນັກຂ່າວຄຳປະເສີດ）"ຫຼັງຈາກການເປີດທາງລົດໄຟລາວ-ຈີນແລ້ວ,ປະເທດເຮົາມີຄວາມຕ້ອງການຜູ້ຊ່ຽວຊານດ້ານລົດໄຟຢ່າງຫຼວງຫຼາຍ,ສະນັ້ນຂ້ອຍຈຶ່ງໄດ້ຂີ່ລົດໄຟໄປສຶກສາຮໍ່າຮຽນຢູ່ນະຄອນຄຸນມິງ!"ການເປີດນໍາໃຊ້ເສັ້ນທາງລົດໄຟລາວ-ຈີນໃນວັນທີ 3 ທັນວາ 2021 ນີ້ເຮັດໃຫ້ຜູ້ຊາຍລາວ ທ່າຍ ເພັງລີໄລ ຮູ້ສຶກຕື່ນເຕັ້ນ,ບໍ່ພຽງແຕ່ເດີນທາງໄດ້ສະດວກສະບາຍເທົ່ານັ້ນ,ແຕ່ທີ່ສຳຄັນກວ່ານັ້ນແມ່ນຍ້ອນ"ເສັ້ນທາງທອງຄຳ"ແຫ່ງນີ້ໄດ້ຮັບໂອກາດໄປຮໍ່າຮຽນຢູ່ຈີນ.

"ໂຄງການຊ່ວຍເຫຼືອວິທະຍາໄລເຕັກນິກ-ວິຊາຊີບທາງລົດໄຟລາວ"ແມ່ນໂຄງການສະຫນັບສະຫນູນຂອງທາງລົດໄຟລາວ-ຈີນ,ເປັນວິທະຍາໄລວິຊາຊີບ ແລະ ເຕັກນິກການທາງລົດໄຟໄດ້ຮັບການຊ່ວຍເຫຼືອຈາກປະເທດຈີນຢູ່ນະຄອນຫຼວງວຽງຈັນ ສປປ ລາວ.ໃນນັ້ນ,ກຸ່ມບໍລິສັດກໍ່ສ້າງ-ລົງທຶນ ແລະ ຖືຮຸ້ນຢຸນນານຈຳກັດເປັນຜູ້ຮັບຜິດຊອບດ້ານການກໍ່ສ້າງພື້ນຖານໂຄງລ່າງ,ແລະວິທະຍາໄລເຕັກນິກ-ວິຊາຊີບທາງລົດໄຟຄຸນມິງຮັບຜິດຊອບການຝຶກອົບຮົມຄູ.ພາຍຫຼັງໂຄງການດັ່ງກ່າວສຳເລັດແລ້ວ,ໂຄງການຊ່ວຍເຫຼືອວິທະຍາໄລເຕັກນິກ-ວິຊາຊີບທາງລົດໄຟລາວຈະໃຫ້ການຮັບປະກັນດ້ານການຝຶກອົບຮົມບຸກຄະລາກອນໃນການດຳເນີນງານ ແລະ ຄຸ້ມຄອງເສັ້ນທາງລົດໄຟລາວ-ຈີນ.

ຍ້ອນມີສອງຂໍ້ໄດ້ປຽບຂອງລາວທີ່ໄດ້ຮຽນພາສາຈີນເປັນເວລາ 1 ປີ ແລະ ມີພື້ນຖານການສຶກສາດ້ານວິຊາຊີບທີ່ກ່ຽວຂ້ອງກັບໄຟຟ້າ,ທ່າຍ ເພັງລີໄລ ຈຶ່ງໄດ້ເຂົ້າບັນຊີລາຍຊື່ນັກສຶກສາຕ່າງປະເທດທີ່ເລືອກໂດຍພາກສ່ວນສຶກສາລາວ.ໃນນັ້ນມີນັກສຶກສາອີກ 39 ຄົນທີ່ໄດ້ຮັບການຄັດເລືອກຮ່ວມກັນ.

ວັນທີ 22 ມີນາ 2022,ທ່ານ ເພັງລີໄລ ໄດ້ຂີ່ທາງລົດໄຟມາຮອດວິທະຍາໄລເຕັກນິກ-ວິຊາຊີບທາງລົດໄຟທາງລົດໄຟຄຸນມິງ ແລະ ເລີ່ມຮຽນພາສາຈີນ ແລະ ຄວາມຮູ້ພື້ນຖານທາງລົດໄຟ.ພາຍຫຼັງຮຽນຈົບ 2 ວິຊາແລ້ວ,ລາວໄດ້ເຂົ້າຮຽນວິຊາສະເພາະດ້ານການສະໜອງພະລັງງານທາງລົດໄຟເພື່ອສຶກສາລະບົບ.

ເພື່ອເຮັດໃຫ້ນັກສຶກສາລາວຈາກທາງໄກໄດ້ຮຽນຄວາມຮູ້ດ້ານວິຊາການທາງລົດໄຟໄດ້ໄວ ແລະ ດີຂຶ້ນ,ຄູສອນວິຊາຕ່າງໆໃນວິທະຍາໄລເຕັກນິກ-ວິຊາຊີບທາງລົດໄຟຄຸນມິງໄດ້ເພີ່ມຮູບພາບ ແລະ ວີດີໂອການສອນໃນຫ້ອງຮຽນເປັນຈຳນວນຫຼາຍຕາມການສອນ.

ນອກຈາກຍຸ້ງຍາກກັບການຮຽນ,ໃນທ້າຍເດືອນກຸມພາປີນີ້,ວິທະຍາໄລເຕັກນິກ-ວິຊາຊີບທາງລົດໄຟຄຸນມິງຍັງໄດ້ຈັດຕັ້ງນັກສຶກສາ 40 ຄົນຈາກລາວໄປດຳເນີນກິດຈະກຳການຄົ້ນຄວ້າ ແລະ ການສຶກສາໃນໄລຍະໜຶ່ງອາທິດຢູ່ນະຄອນດາລີ ແລະ ນະຄອນລີຈຽງ.

ຕາມແຜນການ,ຄູສອນ 40 ຄົນຈະກັບຄືນໄປລາວໃນທ້າຍຫຼັກສູດໃນເດືອນສິງຫາປີນີ້ ແລະ ຈະເປັນຄູສອນຊຸດທຳອິດຂອງວິທະຍາໄລເຕັກນິກ-ວິຊາຊີບທາງລົດໄຟລາວ.ວິທະຍາໄລເຕັກນິກ-ວິຊາຊີບທາງລົດໄຟຄຸນມິງຍັງຈະຈັດທີມສອນໃຫ້ວິທະຍາໄລເຕັກນິກ-ວິຊາຊີບທາງລົດໄຟລາວເປັນຊຸດໃນ 5 ປີຂ້າງໜ້າເພື່ອຊ່ວຍ ແລະ ຊີ້ນຳການສ້າງລະບົບການຮຽນ-ການສອນໃຫ້ຄົບຖ້ວນ.

ທາງລົດໄຟລາວ-ຈີນແມ່ນໂຄງການທີ່ສຳຄັນຂອງຂໍ້ລິເລີ່ມ“ໜຶ່ງແລວທາງໜຶ່ງເສັ້ນທາງ“,ແມ່ນເສັ້ນທາງແຫ່ງການພັດທະນາ,ມິດຕະພາບ ແລະ ຄວາມສຸກ”.ທ່າຍ ເພັງລີໄລ ກ່າວວ່າ,ພາຍຫຼັງກັບຄືນປະເທດລາວແລ້ວ,ທ່ານຈະພະຍາຍາມຝຶກອົບຮົມວິຊາການທາງລົດໄຟໃຫ້ຫຼາຍກວ່າເກົ່າເພື່ອຮັກສາແລະດຳເນີນງານທາງລົດໄຟລາວ-ຈີນໃຫ້ດີ,ພ້ອມທັງຫວັງວ່າຈະມີປະຊາຊົນຈີນມາທ່ຽວຊົມ ແລະ ລົງທຶນຢູ່ລາວຕື່ມອີກ.