ການຜ່ານດ່ານ ໝາຍເຖິງ ປ່ຽນຈາກ “ຫຍຸ້ງຍາກ” ມາເປັນ “ສະດວກ”

（ສະບາຍດີ ນັກຂ່າວຄຳປະເສີດ）ບໍ່ຫານເປັນເຂດພື້ນທີ່ທີ່ບໍ່ໃຫຍ່ປານໃດ, ມີ ເສັ້ນທາງຕົງເມິງ (ເສັ້ນທາງອາຊຽນ) 2 ເລນຜ່ານຕົວເມືອງ, ເຊິ່ງ ເບື້ອງໜຶ່ງເຊື່ອມຕໍ່ກັບສະຖານີລົດໂດຍສານບໍ່ຫານ, ຊ່ວງກາງ ແມ່ນຕະຫຼາດການຄ້າຊາຍແດນໃໝ່ບໍ່ຫານ, ສູນບໍລິການດ້ານບຸກຄະລາກອນບໍ່ຫານ, ຕິດໄປນັ້ນກໍ່ແມ່ນ ຫ້ອງການຂອງຄະນະຄຸ້ມຄອງເຂດຮ່ວມມືເສດຖະກິດຂ້າມຊາຍແດນບໍ່ຫານ ສປ ຈີນ - ບໍ່ເຕັນ ສປປ ລາວ (ຕໍ່ໄປເອີ້ນຫຍໍ້ “ເຂດຮ່ວມມືເສດຖະກິດ”) ແລ່ນຜ່ານອອກໄປສູ່ຊາຍແດນ ກໍ່ຈະເດີນທາງໄປຮອດເຂດອ້ອມຮົ້ວຂອງເຂດຮ່ວມມືເສດຖະກິດ (ເຂດຂອງຝ່າຍຈີນ).

ແຕ່ວ່າ, ບໍ່ຫານ ແມ່ນພື້ນທີ່ທີ່ສໍາຄັນຫຼາຍ. ຈາກຊາຍແດນບໍ່ຫານ ໄປທິດເໜືອ 181 ກິໂລແມັດ, ນັ່ງລົດປະມານ 2 ຊົ່ວໂມງ ກໍ່ຈະເດີນທາງໄປຮອດນະຄອນຊຽງຮຸ່ງ, ຫຼັງຈາກນັ້ນ ນັ່ງລົດໄປທິດເໜືອຕື່ມອີກ ປະມານ 8 ຊົ່ວໂມງ ໄລຍະທາງ 520 ກິໂລແມັດ ກໍ່ຈະເດີນທາງໄປຮອດນະຄອນຄຸນມິງ; ຈາກດ່ານບໍ່ຫານ ໄປທາງທິດຕາເວັນອອກສ່ຽງໃຕ້ 298 ກິໂລແມັດ ນັ່ງລົດປະມານ 5 ຊົ່ວໂມງ ກໍ່ຈະໄປຮອດແຂວງຫຼວງພະບາງ ນະຄອນຫຼວງເກົ່າ ຂອງ ສປປ ລາວ, ຫຼັງຈາກນັ້ນ ເດີນທາງໄປທິດໃຕ້ຕື່ມອີກ 6 ຊົ່ວໂມງ ໃນໄລຍະທາງ 382 ກິໂລແມັດ ກໍ່ຈະຮອດນະຄອນຫຼວງວຽງຈັນ ສປປ ລາວ.

ກ່ອນໜ້ານີ້ 10 ປີ, ຍ້ອນເຫັນໄດ້ເຖິງ “ຢີນທີ່ເປັນທ່າແຮງດ້ານທີ່ຕັ້ງ”, ທ່ານ ອູປຽວ ຄົນເຫີນານ ພາຍຫຼັງຈົບການສຶກສາຢູ່ມະຫາວິທະຍາໄລແລ້ວ ໄດ້ສອບເສັງເຂົ້າເຮັດວຽກຢູ່ດ່ານພາສີເມືອງຫຼ້າ ແລະ ກາຍເປັນພະນັກງານຜູ້ໜຶ່ງ ຢູ່ດ່ານຊາຍແດນ. ຈາກເຂດໃຈກາງປະເທດ ມາເຮັດວຽກຢູ່ເຂດຊາຍແດນ, ລາວໄດ້ຮູ້ສຶກເຖິງຄວາມຫຼ້າຫຼັງຂອງຕົວເມືອງນ້ອຍນີ້ທີ່ຢູ່ຊາຍແດນ. ໃນໄລຍະວົງລັດສະໝີ 10 ກິໂລແມັດ ບໍ່ມີບ່ອນໃດ “ຈະເລີນ” ເລີຍ. ເວົ້າສຳລັບຊາວໜຸ່ມົນໜຶ່ງ ທີ່ຫາກໍ່ຈົບການສຶກສາຈາກຮົ້ວມະຫາວິທະຍາໄລຈາກຕົວເມືອງໃຫຍ່ແລ້ວ “ຄວາມຮູ້ສຶກເຖິງຄວາມແຕກຕ່າງມັນໂຕນກັນຫຼາຍ”.

“ເຖິງວ່າທຸກປີຈະມີນະໂຍບາຍເອື້ອອຳນວຍ ໃຫ້ແກ່ການພັດທະນາທີ່ກ່ຽວຂ້ອງກັບເຂດບໍ່ຫານ, ແຕ່ກໍ່ບໍ່ສາມາດປະຕິເສດໄດ້ວ່າ ການພັດທະນາຂອງບໍ່ຫານ ຍັງບໍ່ທັນໄດ້ທ່ວງທັນກັບຄວາມໄວຂອງຂະບວນລົດແຫ່ງການພັດທະນາ. ຕົວຢ່າງ: ດ່ານບໍ່ຫານ ແມ່ນດ່ານທາງບົກທີ່ໃຫຍ່ທີ່ສຸດ ຂອງ ດ່ານຊາຍແດນແຂວງຢູນນານ, ແຕ່ຍ້ອນເງື່ອນໄຂດ້ານອຸປະ ກອນຍັງບໍ່ທັນກັບຄວາມໄວຂອງການພັດທະນາການຄ້າ, ໃນໄລຍະຫຼາຍປີຜ່ານມາ, ບໍ່ວ່າຈະແມ່ນຍານພາຫະນະ ຫຼື ການສັນຈອນຂອງຜູ້ໂດຍສານ, ສະພາບຄວາມແອອັດ ແລະ ການຕໍ່ແຖວຍາວໃນເວລາຜ່ານດ່ານກໍ່ຍັງມີຫຼາຍຢູ່”. ຕໍ່ມາພາຍຫຼັງ ທ່ານ ອູປຽວ ສອບເສັງເຂົ້າເປັນລັດຖະກອນແລ້ວ, ກໍ່ໄດ້ພັດທະນາກາຍເປັນ ຮອງຫົວໜ້າກົມພັດທະນາເສດຖະກິດ ຂອງ ເຂດເສດຖະກິດຮ່ວມມື, ເມື່ອຫວນຄືນຄວາມຊົງຈໍາໃນເມື່ອກ່ອນ ຍັງເຮັດໃຫ້ຈົດຈໍາໄດ້ເປັນຢ່າງດີ.

ກ່ຽວກັບ ປະສິດທິພາບຂອງການຜ່ານດ່ານບໍ່ຫານ ບັນດາຜູ້ຂັບລົດສິນຄ້າ ຍິ່ງມີສຳພັດໄດ້ເລິກເຊິ່ງກວ່າ.

ຢູ່ດ້ານນອກຂອງຕະຫຼາດຊາຍແດນສ້າງໃໝ່ ຢູ່ເຂດຊາຍແດນບໍ່ຫານ, ມີຜູ້ຮັບຂັບລົດແທນໄປໄປມາມາ ພວມກຳລັງປະກອບເອກະສານຜ່ານດ່ານ ດຳເນີນໄປຄວບຄູ່ກັບການດຳເນີນວຽກງານກວດກາຢ່າງເປັນລະບຽບ. ທ່ານ ຕ້ານເຟິ່ງ, ພະນັກງານຂັບລົດ ຂອງບໍລິສັດຂົນສົ່ງຕູ້ແຊ່ສາກົນຈິວໂຈວ່ ພວມກຳລັງຂຽນຟອມຜ່ານດ່ານ, ກຳລັງລໍຖ້າເຄື່ອນຍ້າຍລົດບັນທຸກໝາກທຸລຽນອອກຈາກເຂດຕິດຕາມຄຸ້ມຄອງພາສີ. ທ່ານ ຕ້າຍເຟິ່ງ ເວົ້າວ່າ: “ຂ້ອຍໄດ້ຍິນວ່າ ຊ່ອງທາງຂົນສົ່ງສິນຄ້າຂ້າມປະເທດໃໝ່ ຢູ່ບໍ່ຫານ ກຳລັງດຳເນີນການກໍ່ສ້າງ, ຈະສ້າງສຳເລັດ ແລະ ນໍາໃຊ້ພາຍໃນປີນີ້, ພ້ອມນັ້ນ ດ່ານບໍ່ຫານກໍ່ຈະມີການປັບປຸງຍົກລະດັບຂຶນ, ເມື່ອຮອດເວລານັ້ນ ຊ່ອງທາງ 2 ປ່ອງ ເຂົ້າຈຸດໜຶ່ງ ອອກຈຸດໜຶ່ງ ທີ່ໃຊ້ມາ 20 ກວ່ານີ້ ຈະຍົກລະດັບຂຶ້ນເປັນ 10 ປ່ອງ, ຈະຊ່ວຍລົດຄວາມແອອັດຂອງຂະບວນລົດບັນທຸກສິນຄ້າ ໃນໄລຍະທີມີການຂົນສົ່ງຫຼາຍ”. ໄລຍະການຂົນສົ່ງສິນຄ້າຈຳນວນຫຼາຍຜ່ານດ່ານບໍ່ຫານ ກໍາລັງຈະມາຮອດ, ຂ້ອຍເອງກໍ່ຈະພະຍາຍາມເຮັດໃຫ້ດີທີ່ສຸດ ເພື່ອຊອກເງິນຫຼາຍໆໄປລ້ຽງຄອບຄົວ.

ອີງຕາມສະຖິຕິ ຂອງ ກະຊວງກະສິກໍາປ່າໄມລາວ ເຫັນວ່າ ປະເທດຈີນ ແມ່ນຕະຫຼາດການສົ່ງອອກທີ່ໃຫຍ່ທີ່ສຸດ ຂອງ ສປປ ລາວ, ໃນນັ້ນ 80% ຂອງການສົ່ງອອກຜະລິດຕະພັນກະສິກໍາໄປປະເທດຈີນ ຈະແມ່ນປະເພດໝາກໄມ້ ມີເງື່ອນໄຂກໍານົດສູງຫຼາຍອັນໃນເວລາຜ່ານດ່ານ.

ທ່ານ ຕ້າຍເຟິ່ງ ເຄີຍປະສົບກັບຄວາມແອອັດຕິດຄັດແບບຮ້າຍແຮງຫຼາຍຄັ້ງໜຶ່ງຢູ່ດ່ານບໍ່ຫານ, “ໃນເວລານັ້ນ ລົດສິນຄ້າຈາກລາວເຂົ້າມາຈີນ ລຽນແຖວຍາວເປັນ 10 ກວ່າກິໂລ ແມັດ, ລົດບັນທຸກໝາກກ້ວຍຈາກລາວຈໍານວນຫຼາຍຢຸດຈອດຢູ່ຕາມເສັ້ນທາງ, ລົດຕິດຍາວໜັກໜ່ວງເກືອບ 5 ຊົ່ວໂມງ ຈິ່ງເຄື່ອນໄຫວປະມານ 30 ແມັດ ເຮັດໃຫ້ໝາກກ້ວຍຂຽວທັງຫຼາຍເນົ່າເປື່ອຍໝົດ”. ຊາຍໜຸ່ມພາກຕາເວັນອອກສ່ຽງເໜືອທີ່ໃສ່ເສື້ອສີດໍາຄໍ້ານີ້ ເວົ້າວ່າ ເວົ້າສຳລັບພວກເຂົາເຈົ້າແລ້ວ ເວລາກໍ່ແມ່ນເງິນແມ່ນຄໍາ, ຖ້າຫາກໃຊ້ເວລາກວດກາເອກະ ສານ, ກວດກາສິນຄ້າ ແລະ ຜ່ານດ່ານໄດ້ໄວ, ພວກເຂົາກໍ່ຈະໄດ້ເຮັດວຽກຫຼາຍຂຶື້ນ ແລະ ເກັບເງິນໄດ້ຫຼາຍຂຶ້ນ.

ເສັ້ນທາງທອງຄໍາ ກະຕຸ້ນການພັດທະນາເຂດບໍ່ຫານດ້ວຍກຳລັງຊີວິດໃໝ່

ເມື່ອຍ່າງຕາມຖະໜົນຢູ່ເຂດບໍ່ຫານ ຈະບໍ່ເຫັນຂະບວນລົດ ແລະ ນັກທ່ອງທ່ຽວຈຳ ນວນຫຼາຍ ຄືກັບໄລຍະກ່ອນໜ້າການເກີດພະຍາດໂຄວິດ-19, ແຕ່ກໍ່ຍັງເຫັນລົດບັນທຸກຂະໜາດໃຫຍ່ຄັນສອງຄັນໄປມາຕາມເສັ້ນທາງ, ໃນນັ້ນ ກໍ່ມີລົດປ້າຍລາວຈຳນວນຫຼາຍຢູ່, ຍັງມີບັນຍາກາດທີ່ຄຶກຄື້ນດີຢູ່.

ມໍ່ໆມານີ້, ນັກຂ່າວເຫັນວ່າ ຢູ່ດ່ານຊາຍແດນທາງບົກບໍ່ຫານ ມີລົດບັນທຸກສິນຄ້າຄັນສອງຄັນ ຍິນດີຜ່ານການພົ່ນຢາຂ້າເຊື້ອໃນເວລາຜ່ານປ່ອງຂົນສົ່ງສິນຄ້າ, ຜູ້ຂັບລົດຈີນ ແລະ ລາວ ກໍຄື ຜູ້ຮັບຜິດຊອບກວດກາການຜ່ານດ່ານ ກໍ່ໃສ່ຊຸດປ້ອງກັນເຊື້ອສີຂາວ ເຮັດວຽກງານປ້ອງກັນພະຍາດໂຄວິດ-19 ຈາກຕ່າງປະເທດຢ່າງຂຸ້ນຂ້ຽວ, ດ່ານບໍ່ຫານ ໄດ້ເພີ່ມທະວີການຄຸ້ມຄອງຕໍ່ລົດບັນທຸກສິນຄ້າ ແລະ ຜູ້ຂັບລົດທີ່ຜ່ານດ່ານຂົນສົ່ງສິນຄ້າຂ້າມແດນ, ໄດ້ປະຕິບັດລະບຽບການຄຸ້ມຄອງຄົນຂັບປ່ຽນແທນ ແລະ ເກັບເປັນຂໍ້ມູນໄວ້, ທັງໄດ້ກໍານົດເສັ້ນທາງການຂັບຂີ່ສະເພາະ, ສະຖານທີ່ຜ່ານ ແລະ ຈໍາກັດຂອບເຂດການເຄື່ອນໄຫວຂອງຜູ້ຂັບລົດຂົນສົ່ງສິນຄ້າຢ່າງຄັກແນ່.

ທ່ານ ຈ່າງລີ້ຊິນ, ຮອງຫົວໜ້າຄະນະເຮັດວຽກພັກ-ມະຫາຊົນ ຂອງ ເຂດຮ່ວມມືເສດຖະກິດ ແນະນໍາວ່າ: ການຜ່ານດ່ານຂົນສົ່ງສິນຄ້າ ໄດ້ເພີ່ມທະວີລະດັບການຂ້າເຊື້ອ, ການປ່ຽນຜູ້ຂັບລົດແທນ ແລະ ຂັ້ນຕອນອື່ນໆ, ເຮັດໃຫ້ປະສິດທິຜົນການຜ່ານດານຖືກກະທົບໃນລະດັບໃດໜຶ່ງ, ປະລິມານການຂົນສົ່ງກໍ່ຫຼຸດລົງ. ບໍລິມາດລວມການຄ້າຂາເຂົ້າ-ຂາອອກ ຜ່ານດ່ານບໍ່ຫານ ໃນປີ 2020 ບັນລຸໄດ້ 4,6 ລ້ານໂຕນ ແລະ ສົກປີ 2021 ບັນລຸໄດ້ 3,8 ລ້ານໂຕນ. ປີ 2021, ມູນຄ່າການສົ່ງອອກສິນຄ້າຂອງຈີນ ໄປ ມຽນມາ, ລາວ ແລະ ຫວຽດນາມ ບັນລຸໄດ້ 3230 ລ້ານໂດລາສະຫະລັດ, 1960 ລ້ານໂດລາສະຫະລັດ ແລະ 1240 ລ້ານໂດລາສະຫະລັດ ຕາມລໍາດັບ. 

ພາຍຫຼັງສ້າງສຳເລັດ ແລະ ເປີດນໍາໃຊ້ທາງລົດໄຟ ຈີນ-ລາວ ໃນວັນທີ 3 ທັນວາ 2021 ແລ້ວ, ເສັ້ນທາງລົດໄຟ ຈີນ-ລາວ ທີ່ເປັນເສັ້ນທາງແຫ່ງທອງຄໍາເສັ້ນນີ້ ນັບແຕ່ໄດ້ເລີ່ມໃຫ້ ການບໍລິການເປັນຕົ້ນມາ, ຈົນຮອດ ວັນທີ 7 ພະຈິກ 2022, ຈຳນວນການຂົນສົ່ງສິນຄ້າ ບັນລຸໄດ້ 10 ລ້ານໂຕນ, ໃນນັ້ນ ຈໍານວນການຂົນສົ່ງສິນຄ້າຂ້າມແດນ ບັນລຸໄດ້ຫຼາຍກວ່າ 1,8 ລ້ານໂຕນ, ມູນຄ່າສິນຄ້າ ສູງເຖິງ 12 ຕື້ຢວນ. ນັບແຕ່ເດືອນ 1 ຮອດ ເດືອນ 7 ຂອງປີນີ້, ການສົ່ງອອກຂອງລາວ ໄປຈີນ ກໍ່ໄດ້ລື່ນກາຍ 5000 ລ້ານຢວນແລ້ວ, ທຽບກັບໄລຍະດຽວຜ່ານມາເພີ່ມຂຶ້ນ 30%, ໃນນັ້ນມູນຄ່າການສົ່ງອອກມັນຕົ້ນ ສູງເຖິງ 250 ລ້ານໂດລາສະຫະລັດ, ສິ່ງດັ່ງກ່າວນີ້ ເຮັດໃຫ້ປະຊາຊົນລາວໄດ້ຮັບຜົນປະໂຫຍດຫຼາຍຂື້ນກວ່າເກົ່າ.

ບໍ່ພຽງແຕ່ປະຊາຊົນລາວໄດ້ຮັບຜົນປະໂຫຍດດັ່ງກ່າວເທົ່ານັ້ນ, ປະຊາຊົນຈີນເອງກໍ່ເຊັ່ນກັນ. ກ່ອນໜ້ານີ້ເຄິ່ງປີ, ທ່ານ ເຫີ້ຫ່າຍເສີງ, ປະຊາຊົນຊາວກວາງຊີ ໄດ້ເດີນທາງຈາກເມືອງຝາງເສີງກາງ ກວາງ ມາເຮັດວຽກ ແລະ ດຳເນີນທຸລະກິດຢູ່ບໍ່ຫານ. “ຄອບຄົວຂອງຂ້ອຍໝົດທຸກຄົນ ລ້ວນແຕ່ຮູ້ສຶກໄດ້ວ່າ ສະພາບແວດລ້ອມຢູ່ນີ້ຄ້າຍຄືກັບເມືອງອີ້ອູ ຢູ່ແຂວງເຈີຈ່ຽງ ໃນສະໄມຫຼາຍປີກ່ອນໜ້ານີ້, ຖ້າຢາກກຳແໜ້ນໂອກາດການສ້າງຄວາມຮັ່ງມີ ກໍ່ຕ້ອງບໍ່ພາດໂອກາດການຄ້ານີ້”. ເຂດບໍ່ຫານ ເປັນເຂດໜຶ່ງທີ່ປະກອບດ້ວຍການຜ່ານດ່ານ, ການຄ້າ, ການຂົນສົ່ງໂລຈິສຕິກ, ການປຸງແຕ່ງ, ການຮັກສາສຸຂະພາບ, ການເງິນ-ການທະນາຄານ, ການທ່ອງທ່ຽວ ແລະ ອື່ນໆຫຼາຍສະມັດຕະພາບມາຢູ່ບ່ອນດຽວກັນ, ເຮັດໃຫ້ຄົນຈຳນວນຫຼາຍກວ່າເກົ່າ ໄດ້ຮັບຮູ້ເຖິງໂອກາດອັນເປັນປາຍແຫຼມນີ້.

ເມື່ອຫາກໍ່ລົງຈາກລົດໄຟ ກໍ່ເຫັນວ່າຢູ່ຕາມຖະນົນລ້ວນແຕ່ແມ່ນລົດບັນທຸກສິນຄ້າທີ່ພວມກຳລັງລຽນແຖວກັນລໍຖ້າຜ່ານດ່ານ, ໃນອາກາດກໍ່ອົບອວນໄປດ້ວຍກິ່ນຂອງໝາກທຸລຽນ, ເຮັດໃຫ້ ທ່ານ ເຫີ້ຫ່າຍເສີງ ຜູ້ທີ່ເຮັດການຄ້າການຂົນສົ່ງເຄື່ອງແຊ່ເຢັນນີ້ ມີຄວາມໝັ້ນໃຈຢ່າງແນ່ວແນ່ວ່າຈະສຸມໃສ່ດ້ານນີ້, ແນ່ນອນວ່າທຸລະກິດຈະໄປໄດ້ດີຢ່າງແນ່ນອນ”. ການປ່ຽນແປງຂອງເຂດບໍ່ຫານໃນເຄິ່ງປີມໍ່ໆມານີ້, ເຮັດໃຫ້ ທ່ານ ເຫີ້ຫ່າຍເສີງ ມີຄວາມໝັ້ນໃຈຍິ່ງຂຶ້ນ. ທ່ານ ເຫີ້ຫ່າຍເສີງ “ເວົ້າສະເພາະຕະຫຼາດຊາຍແດນຂອງປະຊາຊົນນີ້, ເວລາຂ້ອຍຫາກໍ່ມາຕອນນັ້ນຍັງກຳລັງກໍ່ສ້າງ, ກາງເດືອນ 11 ຈິ່ງເລີ່ມນໍາໃຊ້ຢ່າງເປັນທາງການ, ສະຖານທີ່ ແລະ ບໍລິມາດການບັນຈຸ ມີຈໍານວນ 2 ທົບຂອງເມື່ອກ່ອນ; ສູນສະແດງດ້ານອັດສະລິຍະດ່ານບໍ່ຫານ ແລະ ຫ້ອງການບໍລິການປະຊາຊົນ ທີ່ຢູ່ຕິດກັບສະຖານີລົດໄຟ 2 ໂຄງການີ້ກໍ່ຫາເລີ່ມກໍ່ສ້າງໃນເດືອນກັນຍາ, ຄາດຄະເນຈະສຳເລັດ ແລະ ເລີ່ມນໍາໃຊ້ ໃນເດືອນທັນວາ.” ເມື່ອເປັນແບບນີ້ “ຄວາມໄວຂອງເຂດບໍ່ຫານ” ຍິ່ງເຮັດໃຫ້ພວກເຮົາມີຄວາມໝັ້ນໃຈຕໍ່ອະນາຄົດຫຼາຍຂຶ້ນ”.

ຄວາມຈິງແລ້ວ, ຍັງມີພໍ່ຄ້າຊາວຂາຍທີ່ມີປະສົບການຄ້າຍຄືກັບ ທ່ານ ເຫີ້ຫ່າຍເສີງ ທີ່ຕ່າງກໍ່ພາກັນຫຼັ່ງໄຫຼເຂົ້າມາເຂດບໍ່ຫານ ເພື່ອຊອກຮູ້ສຳຫຼວດ ແລະ ເຮັດທຸລະກິດ. ບໍ່ຫານ ຕົວເມືອງນ້ອຍທີ່ຢູ່ເຂດຊາຍແດນຂອງແຂວງຢູນນານ ກໍ່ພວມອ້າແຂນຕ້ອນຮັບຄົນທັງຫຼາຍທີ່ມາຈາກທາງເໜືອ ແລະ ໃຕ້. ໃນເວລາມີຄົນຫຼາຍ, ທ່ານ ອູປຽວ ສາມາດຮັບຄະນະນັກທຸລະກິດທີ່ມາສຳຫຼວດການລົງທຶນ 12 ຄະນະຕໍ່ມື້.

ຕົວເມືອງນ້ອຍລຽບຊາຍແດນ ຟື້ນຄວາມມີຊີວິດຊີວາຂຶ້ນມາອີກຄັ້ງໜຶ່ງ

ເມື່ອເບິ່ງຈາກທາງອາກາດລົງມາເຫັນວ່າ, ສະຖານີບໍ່ຫ່ານ ເປັນຈຸດຄົດໂຄ້ງລ້ຽວໄປມາ ຄືດັ່ງກັບເຮືອບັນທຸກຂະໜາດໃຫຍ່ລຳໜຶ່ງ ທີ່ກຽມໂບກໂບຍຄັນທຸງເຮືອເພື່ອອອກເດີນທາງໄປໄກ.

ໃນຖານະທີ່ເປັນສະຖານີລົດໄຟທຳອິດ ຂອງເສັ້ນທາງລົດໄຟ ຈີນ-ລາວ ທີ່ອອກຈາກ “ປະຕູປະເທດຈີນ”  ທີ່ເປັນໜຶ່ງໃນຜູ້ປົກປ້ອງນີ້, ທ່ານ ຈື້ລີ້ ເລຂາໜ່ວຍພັກ ຂອງ ສະຖານີລົດໄຟບໍ່ຫານ ກໍ່ໄດ້ເປັນສັກຂີພິຍານໃຫ້ແກ່ການປ່ຽນແປງ ຂອງ ເຂດບໍ່ຫານ ຜ່ານຫຼາຍຂະບວນລົດທີ່ແລ່ນຜ່ານໄປມາ.

ຜ່ານການຕິດຕາມສັງເກດຢ່າງໄກ້ຊິດ ເພິ່ນເຫັນວ່າ ຄົນທີ່ນັ່ງລົດໄຟຄວາມໄວສູງມາບໍ່ຫານມີການປ່ຽນແປງ. “ຄົນທີ່ມາລົງຢູ່ສະຖານີບໍ່ຫານ ນັບມື້ນັບຫຼາຍຂຶ້ນ ແລະ ສ່ວນຫຼາຍແມ່ນຄົນມາຈາກບ່ອນອື່ນ, ສ່ວນຫຼາຍແມ່ນນຸ່ງເຄື່ອງແບບການຄ້າ, ຖືກະເປົາເຮັດວຽກ, ເວົ້າພາສາຈີນກາງ.” ເພິ່ນຮູ້ວ່າ ພວກເຂົາລ້ວນແຕ່ແມ່ນແຂກທຸລະກິດທີ່ມາຊອກໂອກາດການຄ້າຢູ່ເຂດບໍ່ຫານ.

“ສະບາຍດີ ເຖົ້າແກ່, ມື້ອື່ນເຈົ້າມີຫ້ອງພັກບໍ່? ຊ່ວຍຈ່ອງຫ້ອງໄວ້ໃຫ້ 2 ຫ້ອງແດ່ເດີ້”.

“ໄດ້, ດຽວຂ້ອຍຂໍກວດເບິ່ງກ່ອນ. ໂອ້ຍ, ອີກ 2 ມື້ຈິ່ງມາໃໝ່ເດີ້, ດຽວນີ້ຫ້ອງເຕັມແລ້ວ.”

ໃນໄລຍະເຄິ່ງປີມານີ້, ເຮືອນພັກໄຕຢວນອີ້ຈ້ານ ຢູ່ເຂດບໍ່ຫານ ໄດ້ຮັບຄວາມນິຍົມຫຼາຍ, ໂທລະສັບທີ່ໂທເຂົ້າມາຈ່ອງຫ້ອງພັກຄືແບບນີ້ ມີຫຼາຍຕະຫຼອດ.

ເດືອນ 10 ປີ 2022, ທ່ານ ຈູເຈ່ຍຜິງ ເຈົ້າຂອງ ເຮືອນພັກໄຕຢວນອີ້ຈ້ານ ກັບຈາກຊຽງໄຮ້ມາຢູ່ບໍ່ຫານ ແລະ ມີບັນຊີການຈ່ອງຫ້ອງພັກແບບເຕັມຕະຫຼອດລໍຖ້າລາວຢູ່. “ຫ້ອງພັກ 30 ຫ້ອງ ບໍ່ພໍອີ່ຫລີ, ຢ່າງໜ້ອຍຕ້ອງໄດ້ຈ່ອງກ່ອນລ່ວງໜ້າອາທິດໜ່ຶງ ຈິ່ງຈະມີຫ້ອງ”.  ເຮືອນພັກໄຕຢວນອີ້ຈ້ານ ຕັ້ງຢູ່ເທິງຫົວພູນ້ອຍໜຶ່ງ ຢູ່ແຄມຕາແສງບໍ່ຫານ ເປັນເຮືອນພັກທີ່ມີເອກະລັກແບບຊົນເຜົ່າ, ເປັນເຮືອນໄທລື້ເປັນຫຼັງເປັນຫຼັງທີ່ຢັ່ງຢາຍຢູ່ຕາມປ່າໄມ້ຮົ່ມເຢັນ, ເມື່ອເປີດປະຕູປ່ອງຢ້ຽມກໍ່ຈະເຫັນຄວາມສວຍສົດງົດງາມທີ່ເຕັມໄປດ້ວຍໝອກກົ້ວ.

ທຸລະກິດຮັບຄວາມນິຍົມຂຶ້ນມາແບບກະທັນຫັນ ເຮັດໃຫ້ ທ່ານ ຈູ່ເຈ່ຍຜິງ ແລະ ຄູ່ຮ່ວມທຸລະກິດຂອງລາວ ຍິ່ງມີຄວາມໝັ້ນໃຈຕໍ່ອະນາຄົດການພັດທະນາຂອງບໍ່ຫານ. ທ່ານ ຈູ່ເຈ່ຍຜິງ  ເວົ້າວ່າ: “ທຸກເທື່ອທີ່ພວກເຮົາກັບໄປຊຽງໄຮ້ ມັກຈະແນະນໍາການປ່ຽນແປງຂອງບໍ່ຫານໃຫ້ເພື່ອນມິດອ້ອມຂ້າງຕົນເອງ, ໄດ້ໂຄສະນາສົ່ງເສີມເຂດບໍ່ຫານຢ່າງຕັ້ງໜ້າ. ທຸກຄົນມັກເວົ້າຢອກຂ້ອຍວ່າ ຂ້ອຍແມ່ນພະນັກງານໂຄສະນາຂົນຂວາຍປະຊາຊົນ ທີ່ດຶງດູດນັກ ທຸລະກິດຜູ້ລົງທຶນເຂົ້າມາເຂດບໍ່ຫານ.”

ອີງຕາມຂໍ້ມູນໃຫ້ຮູ້ວ່າ ນັບແຕ່ນະຄອນຄຸນມິງ ມອບໃຫ້ ເຂດບໍ່ຫານຮັບຜິດຊອບວຽກງານກ່ຽວຂ້ອງເປັນຕົ້ນມາ, ຮອດວັນທີ 11 ຕຸລາ ປີ 2022, ເຂດຮ່ວມມືເສດຖະກິດ ໄດ້ຮັບຄະນະນັກທຸລະກິດທີ່ເຂົ້າມາສຳຫຼວດໂຄງການ 105 ບໍລິສັດ ຈຳນວນ 420 ເທື່ອຄົນ, ທັງໄດ້ເຊັນໜັງສືເຈດຈໍານົງການຮ່ວມມືເບື້ອງຕົ້ນ ວິສາຫະກິດຂະໜາດໃຫຍ່ທີ່ສໍາຄັນ ຂອງຈີນ ຈໍານວນໜຶ່ງ ເຊັ່ນ: ກຸ່ມບໍລິສັດຈົງຈີ, ກຸ່ມບໍລິສັດເຈິ້ງເວີຍ, ບໍລິສັດກິດຈະການແຮ່ທາດຕັງສະເຕນເຊັ້ຍເມິນ ແລະອື່ນໆ 14 ບໍລິສັດຍັກໃຫຍ່.

ເມື່ອມີລູກຄ້າຫຼາຍ, ຂະບວນລົດກໍ່ຫຼາຍຂຶ້ນເຊັ່ນກັນ. ວັນທີ 15 ພະຈິກ 2022, ຂະ ບວນລົດໄຟດ່ວນຄຸນນະພາບສູງ ຖ້ຽວ C384/1 ແລະ ຖ້ຽວ C386/7 ຈາກ ຄຸນມິງ ຮອດ ບໍ່ຫານ ໄດ້ຖືກນໍາໃຊ້, ໄລຍະການເດີນທາງຫຼຸດລົງ 20%. ການເປີດຂະບວນລົດໄຟດ່ວນຄຸນນະພາບສູງນີ້, ມີຄວາມໝາຍສໍາຄັນຫຼາຍ ຕໍ່ການສົ່ງເສີມການສ້າງຕົວເມືອງດ່ານຊາຍແດນສາກົນບໍ່ຫານ, ສະດວກໃຫ້ແກ່ການຄ້າທ່ອງທ່ຽວ ແລະ ອອກໄປທ່ຽວຫຼິ້ນ.

ຈຳນວນຜູ້ໂດຍສາຍທີ່ເພີ່ມຂຶ້ນຢ່າວຕໍ່ເນື່ອງ, ສາຍໂທລະສັບສອບຖາມຂໍ້ມູນ, ຂໍ້ມູນທີ່ມີການອັບເດດຕະຫຼອດເວລາ, ລວມທັງຂະບວນລົດທີ່ເດີນທາງແບບບໍ່ຂາດສາຍຢູ່ດ່ານບໍ່ຫານ ລ້ວນແຕ່ເຮັດໃຫ້ເຂດບໍ່ຫານມີຄວາມຟົດຟື້ນ ແລະ ມີຊີວິດຊີວາຂຶ້ນຫຼາຍ.

ປະຕິຮູບລະບຽບການ ເພື່ອເຕີມເຕັມກຳລັງທີ່ເຂັ້ມແຂງເຂົ້າໃນການພັດທະນາ

ສິ່ງທີ່ເຮັດໃຫ້ລູກຄ້າ ແລະ ຜູ້ເຮັດທຸລະກິດຈາກທົ່ວທຸກຫົນແຫ່ງ ມີຄວາມດີໃຈກໍ່ແມ່ນ ໃນຊຸມປີມໍ່ໆມານີ້ ສູນກາງພັກ, ລັດຖະບານ, ຄະນະພັກແຂວງຢູນນານ ແລະ ອົງ ການປົກຄອງແຂວງຢູນນານ ກໍ່ຖືສຳຄັນລະດັບສູງຕໍ່ການພັດທະນາຂອງເຂດບໍ່ຫານ, ເຂດບໍ່ຫານເອງ ກໍ່ໄດ້ຕັ້ງໜ້າສູ້ຊົນການປະຕິບັດນະໂຍບາຍພິເສດທັບຊ້ອນ ໃນການເກັບພາສີອາ ກອນ, ງົບປະມນນ ແລະ ດ້ານອື່ນໆ.

ທ່ານ ອູປຽວ ແນະນຳວ່າ, ປັດຈຸບັນ ພວກເພິ່ນກຳລັງສະເໜີກັບ ກະຊວງການເງິນ ແລະ ກົມໃຫຍ່ພາສີອາກອນແຫ່ງຊາດ, ສະໜັບສະໜູນເຂດຮ່ວມມືເສດຖະກິດ ປະຕິບັດນະໂຍບາຍພິເສດດ້ານການເກັບພາສີອາກອນ ຄ້າຍຄືກັບເຂດທ່າການຄ້າເສລີຫ່າຍນານ, ໂດຍສະເພາະ ການຫຼຸດຜ່ອນ ແລະ ຍົກເວັ້ນພາສີອາກອນ ສຳລັບອາກອນລາຍໄດ້ສ່ວນບຸກ ຄົນ ແລະ ອາກອນລາຍໄດ້ຂອງວິສາຫະກິດ ຂອງ ບຸກຄະລາກອນລະດັບສູງທີ່ເປັນເປົ້າໝາຍຕ້ອງການສູງ ແລະ ວິສາຫະກິດການຜະລິດປະເພດຕ່າງໆ; ໄດ້ສະເໜີກົມໃຫຍ່ ອາກອນແຫ່ງຊາດ ແລະ ກົມພາສີ ກ່ຽວກັບ ການປະຕິບັດນະໂຍບາຍກ່ຽວຂ້ອງຂອງທ່າການຄ້າເສລີຫ່າຍນານ, ອີງຕາມຮູບແບບການຄຸ້ມຄອງບັນຊີສະຫງວນ, ປະຕິບັດການຍົກເວັ້ນພາສີ, ຍົກ ເວັ້ນອາກອນມູນຄ່າເພີ່ມການນໍາເຂົ້າ, ອາກອນການບໍລິໂພກ ຕໍ່ຍານພາຫະນະ ແລະ ເຄື່ອງຈັກອຸປະກອນການຜະລິດ ທີ່ນໍາເຂົ້າ ທີ່ຈະນໍາໃຊ້ຢູ່ພາຍໃນເຂດຮ່ວມມືເສດຖະກິດ. ພ້ອມນັ້ນ, ພວກເພິ່ນ ຍັງໄດ້ສະເໜີຂໍການສະໜັບສະໜູນດ້ານນະໂຍບາຍ ຈາກລັດຖະບານ ກ່ຽວກັບການຊໍາລະສະສາງແບບຂ້າມຊາຍແດນ ແລະອື່ນໆ ອັນໄດ້ເຮັດໃຫ້ຜົນປະໂຫຍດຈາກດ້ານນະໂຍບາຍສາມາດໄປທົ່ວເຖິງເຂດຮ່ວມມືເສດຖະກິດໄດ້ຫຼາຍຂຶ້ນກວ່າເກົ່າ.

ການເປີດກວ້າງຕໍ່ພາຍນອກ ແມ່ນກຳລັງຜັກດັນສໍາຄັນຊຸກຍູ້ການພັດທະນາເສດຖະກິດ-ສັງຄົມແຫ່ງຊາດ, ຈະເຮັດໃຫ້ການເປີດກວ້າງມີຄວາມສົດໃສກວ້າງຂວາງຕື່ມໄດ້ຄືແນວໃດ? ທ່ານ ອູປຽວ ແນະນໍາວ່າ ນັບແຕ່ນະຄອນຄຸນມິງ ໄດ້ມອບໝາຍໃຫ້ເຂດບໍ່ຫານດຳເນີນວຽກງານກ່ຽວຂ້ອງເປັນຕົ້ນມາ, ການປະຕິຮູບດ້ານລະບຽຍການ ແລະ ການປະດິດສ້າງໃໝ່ການປະຕິຮູບຂອງເຂດບໍ່ຫານ ໄດ້ມີແນວຄວາມຄິດທີ່ຈະແຈ້ງຂຶ້ນ: ອາໄສບົດຮຽນຂອງທ່າການຄ້າຫ່າຍນານ, ດ້ວຍການປະຕິບັດລະບອບນິຕິບຸກຄົນຂອງບໍລິສັດເປັນຜູ້ຮັບປະກັນຕໍ່ກິດຈະການຕ່າງໆທີ່ລະບຸໃນຂອບເຂດການດຳເນີນທຸລະກິດຂອງວິສາຫະກິດຕາມທີ່ກໍານົດໃນບັນຊີ, ເຊິ່ງໄດ້ເຮັດໃຫ້ “ການຮັບປະກັນເຂົ້າສູ່ຕະຫຼາດ” ມາເປັນ “ການອະນຸຍາດເຂົ້າສູ່ຕະຫຼາດ ກໍ່ໝາຍເຖິງ ການອະນຸຍາດໃຫ້ດຳເນີນທຸລະກິດ”; ຍົກເລີກ ລະບຽບການສຳເນົາໂຄງການລົງທຶນທົ່ວໄປ, ປະຕິບັດລະບົບການຮັກສາຄໍາໝັ້ນສັນຍາຂອງລັດຖະບານຢ່າງເຄັ່ງຄັດ ແລະ ຮອບດ້ານ, ເອົາໃຈໃສ່ເຮັດໃຫ້ນະໂບບາຍຂອງເຂດການຮ່ວມມືເສດຖະກິດຮັດກຸມໜັກແໜ້ນ, ສ້າງພາບພົດທີ່ດີຕໍ່ຄວາມໜ້າເຊື່ອຖືຂອງລັດຖະຍານ; ຊຸກຍູ້ການອຳນວຍຄວາມສະດວກໃນການຜ່ານດ່ານ, ບູລະນະສະມັດຕະພາບ ການຄ້າສາກົນບໍ່ຫານ ແບບ “ປະຕູດຽວ” ໃຫ້ມີຄວາມສົມບູນແບບເທື່ອລະກ້າວ, ປະຕິບັດບັນດາບັນຊີມາດຕະການຄຸ້ມຄອງວິສາຫະກິດທີ່ຮັບການຢັ້ງຢືນຈາກ AEO ຂອງພາສີ ແລ້ວນັ້ນໃຫ້ດີ, ຊຸກຍູ້ຮູບແບບການຕິດຕາມຄຸ້ມຄອງດ່ານຊາຍແດນດ້ວຍລະບົບ “5G＋ຫຸ່ນຍົນອັດສະລິຍະ”.

ນອກນັ້ນ, ຍັງມີຂ່າວດີໜຶ່ງທີ່ຍິນມາບໍ່ຂາດສາຍວ່າ: ກະຊວງການຄ້າ, ຄະນະກຳມະ ການພັດທະນາແລະປະຕິຮູບແຫ່ງຊາດຈີນ ກໍ່ຄື 8 ກະຊວງອົງການກ່ຽວຂ້ອງຂອງຈີນ ໄດ້ແຈ້ງຕໍ່ສັງຄົມໃນວັນທີ 3 ພະຈິກ 2022 ກ່ຽວກັບ ການຕົກລົງເພີ່ມເຂດສາທິດສົ່ງເສີມການປະດິດສ້າງໃໝ່ດ້ານການຄ້າ-ການນໍາເຂົ້າແຫ່ງຊາດ ຈໍານວນ 29 ແຫ່ງ, ໃນນັ້ນ ເຂດຮ່ວມມືເສດຖະກິດ ບໍ່ຫານ ສປ ຈີນ - ບໍ່ເຕັນ ສປປ ລາວ ກໍ່ໄດ້ຢູ່ໃນບັນຊີດັ່ງກ່າວ. ນີ້ກໍ່ໝາຍຄວາມວ່າ, ເຂດທົດລອງການຄ້າເສລີຈີນ (ຢູນນານ) ເຂດຄຸນມິງ, ເຂດພັດທະນາເສດຖະ ກິດ-ເຕັກນິກຄຸນມິງລະດັບຊາດ, ເຂດປອດພາສີກວມລວມຄຸນມິງ ແລະ ເຂດຮ່ວມມືເສດຖະ ກິດ ບໍ່ຫານ ສປ ຈີນ - ບໍ່ເຕັນ ສປປ ລາວ ໄດ້ມີສະມັດຕະພາບໃໝ່ ໃຫ້ແກ່ການເຊື່ອມໂຍງລະຫວ່າງ 4 ເຂດດັ່ງກ່າວ.

ເສດຖະກິດແບບເປີດກວ້າງຮັບການພັດທະນາຢ່າງໃຫຍ່ຫຼວງ, ປາດສະຈາກບໍ່ໄດ້ຈາກການຄໍ້າຈູນຂອງສະພາບແວດລ້ອມການດຳເນີນທຸລະກິດຢູ່ດ່ານຊາຍແດນ.

ເມື່ອອອກຈາກສະຖານີບໍ່ຫານ, ໄລຍະ 100 ແມັດຈາກເສັ້ນຊື່ທີ່ເຫັນ ຈະມີສິ່ງກໍ່ສ້າງ ໃໝ່ອ່ຽມໜຶ່ງຕັ້ງຢູ່ ນັ້ນແມ່ນຫ້ອງການບໍລິການດ້ານບໍລິຫານຂອງເຂດຮ່ວມມືເສດຖະກິດທີ່ຫາກໍ່ເປີດນໍາໃຊ້. ໃຊ້ເວລາພຽງແຕ່ 3 ເດືອນ ກໍ່ໄດ້ສຳເລັດການອອກແບບ, ຕົບແຕ່ງ, ການຝຶກອົບຮົມພະນັກງານ ແລະ ວຽກອື່ນໆຂອງສຳນັກງານດັ່ງກ່າວ.

ສຳນັກງານດັ່ງກ່າວນັ້ນ ຕັ້ງຫ່າງຈາກ ຕຶກ 1 ຂອງ ຫ້ອງການຄະນະກຳມະການຄຸ້ມຄອງເຂດຮ່ວມມືເສດຖະກິດ ບໍ່ຮອດ 100 ແມັດ, ຈຸດປະສົງແມ່ນເພື່ອຫຍັງ? ທ່ານ ຫລິງກວາງຢູ ພະນັກງານຂອງສູນບໍລິການ ເວົ້າວ່າ ຕັ້ງຢູ່ຈຸດນີ້ກໍ່ໄກ້ກັບເຂດປະຊາຊົນ, ໄກ້ກັບໂຄງການ ແລະ ໄກ້ກັບຖານການພັດທະນາເສດຖະກິດຂຶ້ນກວ່າເກົ່າ, ເຮັດໃຫ້ມີຄວາມສະດວກໃນການໃຫ້ບໍລິການແກ່ປະຊາຊົນ, ຍົກສູງປະສິດທິຜົນຂອງການບໍລິການ, ທັງສະດວກ ແລະ ວ່ອງໄວໃນການຊ່ວຍນັກທຸລະກິດທີ່ເຂົ້າມາຊອກຫາການລົງທຶນຢູ່ເຂດບໍ່ຫານ ແກ້ໄຂບັນຫາຕົວຈິງ.

ຫ້ອງໂຖງໃຫຍ່ທີ່ກວ້າງຂວາງສະຫວາດສະເຫວີຍ, ມີລະບົບການບໍລິການເອເລັກໂຕຣນິກ, ມີລະບົບໂທລະໂຄ່ງແຈ້ງຂ່າວແບບອັດສະລິຍະ.. ເມື່ອກ້າວຂາເຂົ້າມາສູນບໍລິການດ້ານບໍລິຫານຂອງເຂດຮ່ວມມືເສດຖະກິດແຫ່ງໃໝ່ນີ້, ການນໍາໃຊ້ “ລະບົບອັດສະລິຍະ” ໄດ້ສະທ້ອນໃຫ້ເຫັນວ່າ ບໍ່ຫານ ໄດ້ສືບຕໍ່ຍົກຄວາມໄວດ້ານຄວາມສາມາດຂອງການບໍລິການບໍລິຫານຂື້ນຢ່າງຕໍ່ເນື່ອງ.

ເມື່ອບູລະນະປັບປຸງອຸປະກອນພື້ນຖານໂຄງລ່າງແລ້ວ, ຍັງຕ້ອງໄດ້ຍົກລະດັບການບໍລິການດ້ານຊ່ອບແວ. ທ່ານ ຫຼິງກວ່າງຢູ ເວົ້າວ່າ “ພວກເຮົາໄດ້ຮັບສະໝັກຜູ້ເຮັດວຽກ ທີ່ເຂົ້າໃຈພາສາລາວ, ພາສາໄທ ແລະ ພາສາອື່ນໆເຂົ້າມາເຮັດວຽກ ເພື່ອຫວັງວ່າ ພາຍຫຼັງເປີດນໍາໃຊ້ເສັ້ນທາງລົດໄຟ ຈີນ-ລາວ ທົ່ວສາຍແລ້ວ ຄະນະນັກທຸລະກິດຈາກອາຊີໃຕ້ ແລະ ອາຊີຕາເວັນອອກສ່ຽງໃຕ້ ທີ່ຈະເຂົ້າມາລົງທຶນຢູ່ເຂດບໍ່ຫານ ຈະໄດ້ຮັບການການບໍລິການດ້ານການບໍລິຫານທີ່ສະດວກຂຶ້ນ.” 

ຂໍ້ມູນຈຳນວນໜຶ່ງ ໄດ້ສ່ອງແສງໃຫ້ເຫັນວ່າ ການຍົກລະດັບການບໍລິຫານຂອງເຂດບໍ່ຫານ ນັບມື້ມີກຳລັງແຮງທີ່ເຂັ້ມແຂງ. ນັບແຕ່ນະຄອນຄຸນມິງມອບໝາຍໃຫ້ເຂດບໍ່ຫານດຳເນີນວຽກງານກ່ຽວຂ້ອງເປັນຕົ້ນມາ, ຜູ້ປະກອບການໃນຕະຫຼາດເພີ່ມໃໝ່ ຂອງ ເຂດຮ່ວມມືເສດຖະກິດ ມີ 135 ຫົວໜ່ວຍ. ໃນໄຕມາດທີ 4 ຂອງ ປີ 2022, ເຂດຈະດຳເນີນການກໍ່ສ້າງ 13 ໂຄງການ, ລວມມູນຄ່າການລົງທຶນ 38,23 ຕື້ຢວນ, ຄາດຄະເນຈະສຳເລັດການລົງທຶນພາຍໃນປີນີ້ ປະມານ 1,69 ຕື້ຢວນ.

ຄັດເລືອກພະນັກງານ ສ້າງເປັນກຳລັງຂັບເຄື່ອນຂອງການພັດທະນາເຂດບໍ່ຫານ

ການພັດທະນາຂອງເຂດບໍ່ຫານໄດ້ເປັນການລວມສູນສະຕິປັນຍາຂອງແຂວງຢູນນານ ແລະ ນະຄອນຄຸນມິງ, ທັງເປັນສະຖານທີ່ຝຶກຝົນຫຼໍ່ຫຼອມການຂະຫຍາຍຕົວໃນພະນັກງານ.

ວັນທີ 26 ພຶດສະພາ ປີ 2022, ຄະນະວິຊາການຮັບຜິດຊອບການມອບວຽກຂອງນະຄອນຄຸນມິງໃຫ້ເຂດບໍ່ຫານ ຈໍານວນ 53 ຄົນ ໄດ້ດຳເນີນການມອບວຽກງານກ່ຽວຂ້ອງໃຫ້ພາກສ່ວນກ່ຽວຂ້ອງ ຢູ່ເມືອງຫຼ້າ ກິ່ງແຂວງສິບສອງພັນນາ; ວັນທີ 31 ພຶດສະພາ, ຂະບວນລົດຂອງຄະນະຊ່ຽວຊາວ ໄດ້ສົ່ງພະນັກງານ 31 ຄົນ ມາປະຈໍາແລະເຮັດວຽກຮ່ວມຢ່າງຮອບດ້ານ ກັບ ຄະນະກຳມະການຄຸ້ມຄອງເຂດຮ່ວມມືເສດຖະກິດ; ວັນທີ 26 ກັນຍາ, ພະນັກງານຈາກນະຄອນຄຸນມິງ ຈໍານວນ 50 ຄົນ ໄດ້ເຂົ້າມາເຮັດວຽກປະຈໍາຢູ່ເຂດບໍ່ຫານ. 

ເວລາ 22 ໂມງ 30 ນາທີ ຂອງ ວັນທີ 17 ເດືອນພະຈິກ, ອີກຄໍ່າຄືນໜຶ່ງ ທີ່ຕຶກສຳນັກງານ ຂອງຄະນະກຳມະການຄຸ້ມຄອງເຂດຮ່ວມມືເສດຖະກິດ ຍັງມີໄຟຮຸ່ງແຈ້ງຢູ່, ສຽງພິມເອກະສານ, ສຽງສະແກນເອກະສານ, ສຽງຫຍິບເອກະສານ, ສຽງການປຶກສາວຽກງານ... ສັບໄຂວ່ໄປມາ, ພະນັກງານຜູ້ເຮັດວຽກກາຍໂມງ ກໍ່ພວມຂຸ້ນຂ້ຽວດໍາເນີນງານຮ່ວມກັນຢ່າງເປັນຂະບວນ.

“ບໍ່ຫານ ຍາມໃດກໍ່ຕ້ອງຄົ້ນຄວ້ານະໂຍບາຍຕາມສະພາບການໃໝ່ຕະຫຼອດເວລາ, ຕ້ອງດຳເນີນການປະສານງານຢ່າງຮອບດ້ານຮອບທິດ ຕາມນະໂຍບາຍທີ່ດີທີ່ສຸດຂອງຈີນ”. ເຖີງແມ່ນວ່າຈະເຮັດວຽກກາຍໂມງລຽນຕິດຫຼາຍມື້ກໍ່ຕາມ, ແຕ່ ທ່ານ ເຕິ້ງ ຈົງ ຮອງຫົວໜ້າຄະນະຮັບຜິດຊອບດ້ານງົບປະມານການເງິນ(ກົມສະຖິຕິ) ຂອງເຂດຮ່ວມມືເສດຖະກິດ ກໍ່ຍັງຮັກສາຄວາມມຸ້ງມາດປາດຖະໜາອັນແນ່ວແນ່, ເພິ່ນໄດ້ເວົ້າວ່າ “ສາມາດເຂົ້າຮ່ວມການກໍ່ສ້າງຕົວເມືອງຊາຍແດນສາກົນບໍ່ຫານ ແມ່ນເລື່ອງທີ່ເປັນກຽດຍິ່ງສຳລັບພວກເຮົາທຸກຄົນ”. ບໍ່ຫານມີພື້ນທີ່ການພັດທະນາຫຼາຍສົມຄວນ, ຂໍພຽງແຕ່ມີຄວາມສາມາດ ກໍ່ສາມາດບຸກບືນໄດ້ພື້ນທີ່ການພັດທະນາ.  

“ນະຄອນຄຸນມິງ ໄດ້ຄັດເລືອກແລະສົ່ງພະນັກງານ ທີ່ມີກຳລັງຕໍ່ສູ້ແຂ່ງຂັນທີ່ເຂັ້ມແຂງມາປະຈໍາຢູ່ນີ້, ເຊິ່ງໄດ້ເປັນການເພີ່ມກຳລັງຂັບເຄື່ອນອັນແຂງແກ່ນໃຫ້ແກ່ການພັດທະນາຂອງເຂດບໍ່ຫານ”. ທ່ານ ອູປຽວ ແມ່ນພະນັກງານທີ່ສືບຕໍ່ຢູ່ເຮັດວຽກ ຂອງ ເຂດຮ່ວມມືເສດຖະກິດ ແລະ ໄດ້ເອົາໃຈໃສ່ບາງລາຍລະອຽດ ຄື: ບາດກ້າວຍ່າງຂອງພະນັກງານວ່ອງໄວຂຶ້ນ, ເພື່ອນຮ່ວມງານທີ່ຢູ່ຊັ້ນ 3 ແລະ ຊັ້ນ 4 ບາງຄັ້ງຖ້າລີບນານລົງມາ ກໍ່ເລືອກທີ່ຈະຍ່າງທາງຂັ້ນໄດ; ອັດຕາການປ່ຽນໂຕະກິນເຂົ້າ ຢູ່ໂຮງອາຫານ ກໍ່ສູງຂຶ້ນ, ແຕ່ກ່ອນຫຼັງຈາກກິນເຂົ້າແລ້ວ ກໍ່ຍັງມັກນັ່ງລົມກັນຫຼິ້ນ, ແຕ່ວ່າດຽວນີ້ ກໍ່ຟ້າວກິນຟ້າວແລ້ວ ແລະ ຍ່າງອອກຈາກໂຮງອາຫານໄປສືບຕໍ່ເຮັດວຽກຂອງໃຜລາວ.

ນໍາໃຊ້ “ດັດສະນີຄວາມເມື່ອຍ” ຂອງ ພະນັກງານ ມາເພີ່ມ “ດັດສະນີຄວາມສຸກ” ຂອງປະຊາຊົນມະຫາຊົນ. ຫຼາຍມື້ມານີ້, ກ່ອນຕາເວັນຕົກດິນແຕ່ລະມື້, ສະໜາມກິລາບານສົ່ງທີ່ໄດ້ມາດຕະຖານສ້າງຂຶ້ນໃໝ່ ຕັ້ງຢູ່ໂຮງງານຜະລິດຊາຄຸນນະພາບດີຢູ່ຊຸມຊົມຊ້າງຢົງ ຕາແສງບໍ່ຫານນັ້ນ, ກໍ່ຈະມີການຈັດແຂ່ງຂັນບານສົ່ງເປັນຂະບວນຟົດຟື້ນ ແລະ ມີຄົນເຂົ້າມາເບິ່ງເປັນຈຳນວນຫຼາຍ. ໃນຊຸມປີ 90 ສະຕະວັດທີ 20, ໂຮງງນຜະລິດຊາຄຸນະພາບດີຊ້າງຢົງ ກໍ່ເປັນ ໂຮງຊາທີ່ຮັບຄວາມນິຍົມ ແລະ ມີຊື່ສຽງໂດ່ງດັງ, ແຕ່ວ່າ ເມື່ອກິດຈະການໂຮງຊາຖືກຍຸບຍ້ອນດຳເນີນກິດຈະການບໍ່ໄດ້ດີ, ຫ້ອງນໍ້າລວມຂອງປະຊາຊົນ, ເສັ້ນທາງເຂົ້າອອກ, ອ່າງເກັບນໍ້າ ກໍ່ຂາດການສ້ອມແປງເປັນເວລາຫຼາຍປີ. ໃນທ້າຍເດືອນພຶດສະພາ ປີ 2022, ຫຼັງຈາກນະຄອນຄຸນມິງມອບໝາຍໃຫ້ຕາແສງບໍ່ຫານດຳເນີນວຽກງານກ່ຽວຂ້ອງເປັນຕົ້ນມາ, ຄະນະນໍາຂອງຄະນພັກ ແລະ ອົງການປົກຄອງນະຄອນຄຸນມິງ ກໍ່ໄດ້ໄປຢ້ຽມຢາມເຮັດວຽກຢູ່ຕາແສງບໍ່ຫານຫຼາຍຄັ້ງ ແລະ ໄດ້ສະເໜີວ່າ ຕ້ອງຖືສໍາຄັນສູງຕໍ່ບັນຫາຊີວິດການເປັນຢູ່ຂອງປະຊາຊົນບໍ່ຫານ, ພ້ອມທັງໄດ້ຈັດຕັ້ງກອງປະຊຸມຄົ້ນຄວ້າວາງແຜນການແກ້ໄຂບັນຫາຂໍ້ຫຍຸ້ງຍາກຂອງປະຊາຊົນ. ຫຼັງກອງປະຊຸມແລ້ວ, ພາກສ່ວນກ່ຽວຂ້ອງແຕ່ລະຂັ້ນ ຂອງນະຄອນຄຸນມິງກໍ່ໄດ້ດຳເນີນງານຢ່າງຕັ້ງໜ້າ, ທັງຕື່ນຕົວຮັບເອົາໂຄງການໄປປະຕິບັດ, ຈັດແຈງບຸກຄະລາກອນ ແລະ ງົບປະມານເພື່ອດຳເນີນງານ, ຮັບປະກັນໃຫ້ໂຄງການປະກົດຜົນເປັນຈິງ. ກ່ອນການດຳເນີນໂຄງການແກ້ໄຂຍົກລະດັບຊີວິດການເປັນຢູ່ຂອງປະຊາຊົນ, ຄະ ນະຮັບຜິດຊອບ ໄດ້ສົມທົບກັບພະນັກງານທ້ອງຖິ່ນໄປເກັບກໍາຂໍ້ມູນ, ແລະ ສາມາດສັງ ລວມອອກເປັນບັນຫາຄົງຄ້າງ 52 ຂໍ້. ຜ່ານການໃຊ້ເວລາລາຍງານພຽງແຕ່ 6 ວັນ, ນະຄອນຄຸນມິງ ກໍ່ໄດ້ໂອນງົບປະມານອຸດໜູນ ຈໍານວນ 8 ລ້ານກວ່າຢວນ ໃຫ້ແກ່ຫ້ອງການງົບປະ ມານຂອງຕາແສງບໍ່ຫານ.

ໃນຈໍານວນ 52 ໂຄງການແກ້ໄຂບັນຫາຂອງປະຊາຊົນນ້, ໂຮງຊາຄຸນນະພາບດີຊ້າງຢົງ ກໍ່ກວມເອົາ 5 ລາຍການ, ພາຍຫຼັງເລີ່ມຕົ້ນໂຄງການແລ້ວ ກໍ່ໄດ້ຮັບການສະໜັບສະໜູນຈາກປະຊາຊົນທ້ອງຖິ່ນ, ປະຊາຊົນກໍ່ພາກັນໄປອອກແຮງງານເຮັດວຽກແບບອາສາສະໝັກ, ເຊິ່ງສາມາດປະຫຍັດຄ່າແຮງງານລົງໄດ້ປະມານ 1 ລ້ານ 2 ແສນຢວນ.

ທ່ານ ນາງ ຈ່າງ ເວີນຈວນ ເລຂາໜ່ວຍພັກບ້ານ, ນາຍບ້ານຊ້າງຢົງ ຕາແສງບໍ່ຫານ ແນະນໍາວ່າ ຜູ້ທີ່ຢູ່ບ້ານ ກໍ່ມີແຕ່ຜູ້ເຖົ້າກັບເດັກນ້ອຍ, ຊາວໜຸ່ມສ່ວນຫຼາຍກໍ່ອອກໄປຫາວຽກເຮັດຢູ່ຕາແສງບໍ່ຫານ ຫຼື ໄປເມືອງໄກ້ໆ. ແຕ່ວ່າ, ຖ້າແຈ້ງໃຫ້ບ້ານວ່າ ຈະສ້າງຖະໜົນຫົນທາງ,  ສ້າງຫ້ອງນໍ້າໃໝ່, ແປງດອກໄຟແຄມທາງແລ້ວ, ທຸກຄົນກໍ່ສະໜັບສະໜູນໂລດ, ຂໍພຽງແຕ່ມີເວລາວ່າງ ກໍ່ຈະເຂົ້າຮ່ວມການກໍ່ສ້າງຂອງບ້ານ, ເຊິ່ງໄດ້ເຮັດໃຫ້ໂຄງການມີຄວາມຄືບໜ້າກ່ອນກໍານົດ. 

ທ່ານ ຢາງຈິງເຊຍ, ເລຂາຄະນະພັກ ໂຮງຊາຄຸນນະພາບດີຊຸມຊົນຊ້າງຢົງ ກ່າວວ່າ: “ບໍ່ຫານໃນປັດຈຸບັນ ແຕ່ລະມື້ຈະມີອັນຕ່າງໄປ. ຫວັງວ່າ ເມື່ອການກໍ່ສ້າງເຂດບໍ່ຫານດຳເນີນໄປແລ້ວ ຍິ່ງຈະມີວິສາຫະກິດເຂົ້າມານີ້ຫຼາຍກວ່າເກົ່າ, ເຮັດໃຫ້ພວກເຮົາສາມາດມີວຽກເຮັດຢູ່ໜ້າປະຕູບ້ານຂອງຕົນ, ເຮັດໃຫ້ການດຳລົງຊີວິດແຕ່ລະມື້ຂອງພວກເຮົາຍິ່ງຈະເລີນກ້າວໜ້າຂຶ້ນ”. 

ຕົວເມືອງດ່ານຊາຍແດນສາກົນ ກຳລັງບິນອອກຈາກ “ເຈັ້ຍ” ຕົກລົງໃສ່ “ໜ້າດິນ”

ບໍ່ຫານ ໃນເດືອນ 12, ນອກຈາກສຽງລົດບັນທຸກເຄື່ອງແລ້ວ, ຍັງໄດ້ຍິນສຽງລົດຈົກລົດດຸດທີ່ເຮັດການກໍ່ສ້າງປະເພດຕ່າງທ, ສຽງຈັກເຈາະຮູຂຸດຂຸມ, ໂຄງການຕ່າງໆລ້ວນແຕ່ກຳລັງດຳເນີນໄປດ້ວຍຄວາມເປັນລະບຽບຮຽບນ້ອຍ, ການສ້າງຕົວເມືອງຊາຍແດນສາກົນບໍ່ຫານ ທີ່ມີການພັດທະນາດ້ວຍຄຸນນະພາບສູງ ກໍາລັງບິນອອກຈາກ “ເຈັ້ຍ” ຕົກລົງໃສ່ໜ້າດິນທີ່ກຳລັງກາຍເປັນຄວາມຈິງ.

ໄກ້ກັບເຂດອ້ອມຮົ້ວຂອງເຂດຮ່ວມມືເສດຖະກິດ (ເບື້ອງຝ່າຍຈີນ), ປະຕູປະເທດແນວໜ້າຂັ້ນ 1 ແລະ ຂັ້ນ 2 ແຫ່ງໃໝ່ ລ້ວນແຕ່ພວມກຳລັງຂຸ້ນຂ້ຽວດຳເນີການກໍ່ສ້າງ, ປັດຈຸ ບັນໄດ້ເປັນຮູບເປັນຮ່າງໃນເບື້ອງຕົ້ນ, ມີເງື່ອນໄຂໃນການຜ່ານດ່ານ ແລະ ບັນທຸກສິນຄ້າ, ກ່ອນການນໍາໃຊ້ເຂດອ້ອມຮົ້ວ ຈະໂຈະການນໍາໃຊ້ປ່ອງຂົນສົ່ງສິນຄ້າຊົ່ວຄາວກ່ອນ, ເຊິ່ງຈະເປັນປ່ອງສະເພາະສຳລັບການຂົນສົ່ງອອກສິນຄ້າ. 

ນອກຈາກປາກປະຕູປະເທດຂັ້ນ 2 ແລ້ວ, ພື້ນທີ່ການພັດທະນາການຄ້າ ແລະ ງານວາງສະແດງສິນຄ້າໃນອະນາຄົດ ກໍ່ໄດ້ສ້າງສຳເລັດແລ້ວ, ເຊິ່ງລ້ວນແຕ່ເປັນສິ່ງກໍ່ສ້າງທີ່ມີເອກະລັກຊົນເຜົ່າ, ໂດຍຈະຈັດສັນເປັນພື້ນທີ່ຫ້າງຮ້ານປອດພາສີ, ໃຫ້ບໍລິການດ້ານການເງິນ-ການທະນາຄານ, ການປິ່ນປົວຮັກສາສຸຂະພາບລະດັບສາກົນ ແລະ ກິດຈະການອື່ນໆ.

ໃນເດືອນກັນຍາ, ທ່ານ ສູຟາປິ່ນ ອາຍຸ 50 ປີ ເລືອກມາສ້າງທຸລະກິດຂອງຕົນຄັ້ງທີ 2 ຢູ່ເຂດບໍ່ຫານ, ໃນຖານະທີ່ເປັນໜຶ່ງໃນຜູ້ສ້າງເຂດຕົວເມືອງດ່ານຊາຍແດນສາກົນບໍ່ຫານ, ເຖິງວ່າເພິ່ນຈະມີວຽກຫຼາຍ, ແຕ່ກໍ່ມີຄວາມຮູ້ສຶກມ່ວນຊື່ນຕໍ່ວຽກນີ້. ລາວ ເວົ້າວ່າ “ຢູ່ນີ້, ເຈົ້າສາມາດເຫັນໄດ້ໂດຍກົງ ເຖິງແນວຄວາມຄິດການພັດທະນາ ການວາງແຜນສ້າງຕົວເມືອງ, ສະນັ້ນ, ເມື່ອເຈົ້າໄດ້ມີສ່ວນຮ່ວມໃນນີ້, ກໍ່ຈະຖືກດຶງເຂົ້າໄປໃນບັນຍາກາດອີກແບບໜຶ່ງ ທີ່ເປັນສະພາບການມີປະສິດທິຜົນສູງ.” 

ໂຄງການສູນໃຫ້ບໍລິການບຸກຄະລາກອນບໍ່ຫານ, ໂຄງການຍົກລະດັບແລະປັບປຸງເສັ້ນ ທາງໃຫຍ່ຕົງເມິງ (ເສັ້ນທາງອາຊຽນ) ແລະ ໂຄງການຂະຫຍາຍແລວເສັ້ນທາງ ເລກ 5 ກໍ່ລ້ວນແຕ່ແມ່ນໂຄງການ ທີ່ ທ່ານ ສູຟາປິ່ນ ຮັບຜິດຂອບບ. 3 ໂຄງການນີ້ ລ້ວນແຕ່ຕັ້ງຢູ່ເສັ້ນຖະໜົນຕົງເມິງ, ເຊິ່ງແຕ່ລະຈຸດຫ່າງກັນບໍ່ຮອດ 1 ກິໂລແມັດ, ແຕ່ວ່າ ຈຳນວນການອອກ ກຳລັງກາຍຍ່າງແຕ່ລະມື້ ທີ່ບັນທຶກຜ່ານວີແຊັດ ຂອງ ທ່ານ ສູຟາປິ່ນ ແມ່ນຫຼາຍກວ່າ 20.000 ກ້າວ.

“ການກໍ່ສ້າງເຂດບໍ່ຫານບໍ່ສາມາດປາດສະຈາກບຸກຄະລາກອນ, ຕ້ອງເຮັດໃຫ້ບຸກຄະລາກອນທີ່ມາເຮັດວຽກຢູ່ບໍ່ຫານ ມີຄວາມອຸ່ນໃຈ ແລະ ວາງໃຈ, ໂຄງການບໍລິການຂອງສູນບໍລິການບຸກຄະລາກອນ ແມ່ນວຽກທີ່ສໍາຄັນຫຼາຍ ແລະ ຕ້ອງເຮັດໃຫ້ດີ. ພວກເຮົາ ໃຊ້ເວລາການກໍ່ສ້າງພຽງແຕ່ 3 ເດືອນເທົ່ານັ້ນ, ເພື່ອເຮັດໃຫ້ໄດ້ແລ່ນໄວຂຶນ, ກໍ່ໄດ້ຮັກສາ ‘ຈິດໃຈການຕໍ່ສູ້ສູ້ຊົນ’ຂອງທຸກຄົນ.” ທ່ານ ສູຟາປິ່ນ ຢຽບເທິງດິນແດງ ເວົ້າວ່າ ປີໜ້າ ຈະສ້າງເປັນ ເຂດຄອນໂດຢູ່ອາໄສ ແລະ ເຂດບໍລິການສັງລວມ 2 ເຂດໃຫຍ່, ບຸກຄະລາກອນປະເພດຕ່າງໆ ຈິ່ງຈະສາມາດ “ຫິ້ວກະເປົາເຂົ້າມາຢູ່ໄດ້”.”

ການເຮັດວຽກໄລຍະຕົ້ນ ຂອງ ໂຄງການຍົກລະດັບປັບປຸງເສັ້ນທາງຕົງເມິງ ແລະ ໂຄງການຂະຫຍາຍເສັ້ນທາງເລກ 5 ຈະສູ້ຊົນໃຫ້ກາຍເປັນ “ໂຄງສ້າງ” ໃໝ່ ສຳລັບການສ້າງຕົວເມືອງດ່ານຊາຍແດນສາກົນແຫ່ງໜຶ່ງ. ພາຍຫຼັງສຳເລັດການກໍ່ສ້າງເສັ້ນທາງດັ່ງກ່າວແລ້ວ, ກໍ່ຈະຕໍ່ສູ້ໃຫ້ມີເສັ້ນທາງເທດສະບານທີ່ກວ້າງຂວາງ ແລະ ສະຫວ່າງສະໄຫວ, ເຮັດໃຫ້ລົດບັນທຸກສິນຄ້າ ແລະ ລົດບັນທຸກຜູ້ໂດຍສານ ແຍກກັນໄປເສັ້ນທາງໃຜລາວ, ເຮັດໃຫ້ການຄົມມະນາຄົມສັນຈອນ ມີຄວາມປອດໄພ ແລະ ມີປະສິດທິດຜົນສູງຂຶ້ນກວ່າເກົ່າ.

ບຸກຄະລາກອນເຂົ້າມາຢູ່ ແລະ ຢູ່ໃຫ້ໄດ້, ກໍ່ຍັງຕ້ອງປັບປຸງນະໂຍບາຍດ້ານການສຶກສາ, ການແພດ ແລະ ອື່ນໆໃຫ້ສົມບູນອີກເທື່ອລະກ້າວ. ສະນັ້ນ, ການສ້າງການສຶກສາ ແລະ ຊັບພະກອນດ້ານການແພດ ທີ່ມີຄຸນນະພາບດີຂອງນະຄອນຄຸນມິງ ກໍ່ໄດ້ເລັ່ງຄວາມໄວຂຶ້ນ ແລະ ກະຈາຍກວ້າງອອກໄປສູ່ເຂດບໍ່ຫານ. ປັດຈຸບັນ, ນະຄອນຄຸນມິງ ກຳລັງເລັ່ງລັດການເຊື່ອມໂຍງສ້າງໂຮງຮຽນມັດຖະຍົມ ເລກ 3 ນະຄອນຄຸນມິງ, ໂຮງຮຽນອະນຸບານຈົງຮົວ, ໂຮງໝໍຢຽນອ່ານ ແລະ ອື່ນໆ, ໂດຍໄດ້ສົ່ງຄະນະໄປເກັບກຳຂໍ້ມູນຢູ່ເຂດຮ່ວມມືເສດຖະກິດ ເພື່ອຊ່ວຍພາກສ່ວນການສຶກສາ ແລະ ສາທາລະນະສຸກການແພດຂອງຕາແສງບໍ່ຫານ.

ຍົກປາກກາຂຶ້ນມາ ກໍ່ເປັນສາຍຕາຂອງໂລກ; ເມື່ອຂຽນລົງໄປ ກໍ່ເປັນຕົວເມືອງລະດັບສາກົນ.

ທ່ານ ເສີງກົວສວນ ຮອງຫົວນ້າກົມຄຸ້ມຄອງການກໍ່ສ້າງຕົວເມືອງ-ອຸທິຍານ ຂອງສະຖາບັນຄົ້ນຄວ້າການອອກແບບແຜນຜັງນະຄອນຄຸນມິງ ທີ່ມາປະຈໍາຢູ່ຄະນະຄຸ້ມຄອງເຂດຮ່ວມມືເສດຖະກິດ ກ່າວວ່າ: “ເມື່ອມາຮອດນີ້ແລ້ວ, ຂ້ອຍພົບເຫັນ ສາຍຕາຂອງໂລກ, ມາດຕະຖານສາກົນ, ສີສັນພິເສດຂອງຈີນ, ທີ່ຕັ້ງລະດັບສູງ ບໍ່ເປັນພຽງແຕ່ຄໍາຂວັນ, ຜູ້ເຂົ້າຮ່ວມການກໍ່ສ້າງເຂດບໍ່ຫານ ພວມກຳລັງເຮັດໃຫ້ວຽກງານນີ້ປະກົດຜົນເປັນຈິງໃນແຕ່ລະມື້”, ທັງໄດ້ແນະນໍາວ່າ ປັດຈຸບັນ ເຂດບໍ່ຫານພວມກຳລັງເລັ່ງລັດການສ້າງແຜນພັດທະນາພື້ນທີ່, ຂະແໜງການຜະລິດ ແລະ ແຜນສະເພາະກິດ, ໂດຍໄດ້ເຊື້ອເຊີນເອົາພາກສ່ວນຮັບຜິດຊອບການວາງແຜນແບບຈາກສະຖາບັນຕ່າງໆທີ່ມີຊື່ສຽງພາຍໃນປະເທດ, ອອກແຈ້ງການ ປະມູນ “ການວາງແຜນ ນິຍາມການພັດທະນາລວມຂອງຕົວເມືອງດ່ານຊາຍແດນສາກົນບໍ່ຫານ”, ຮຽກຮ້ອງໃຫ້ມີການວາງແຜນກໍ່ສ້າງທີ່ມີລະດັບສູງ ແລະ ມີມາດຕະຖານສູງ; ເບື້ອງຕົ້ນຈະວາງແຜນ “ແຜນປະຕິບັດງານ 3 ປີ ຂອງການພັດທະນາຂະແໜງການຜະລິດ” ແລະ “ບັນຊີລາຍການພັດທະນາການຜະລິດ”, ໂດຍຈະສຸມໃສ່ພັດທະນາຂະແໜງການຂົນສົ່ງສາກົນ ຈີນ-ລາວ, ຂະແໜງການປິ່ນປົວຮັກສາສຸຂະພາບຜ່ານການທ່ອງທ່ຽວຂ້າມຊາຍແດນ, ຂະແໜງການຜະລິດການປຸງແຕ່ງເພື່ອນໍາເຂົ້າ-ສົ່ງອອກ ແລະ ຂະແໜງການຜະລິດອື່ນໆ, ເຊິ່ງຈະເຮັດໃຫ້ “ເສດຖະກິດຜ່ານປ່ອງ” ຫັນປ່ຽນເປັນ “ເສດຖະກິດດ່ານຊາຍແດນ” ປະກົດຜົນເປັນຈິງເທື່ອລະກ້າວ.

ການເປີດກວ້າງບໍ່ມີມື້ສິ້ນສຸດ. ຢູ່ບົນຈຸດຢືນປະຫວັດສາດຂອງການສ້າງເຂດບໍ່ຫານ ເປັນຕົວເມືອງຊາຍແດນສາກົນ ແລະ ອ່ວຍໜ້າສູ່ອະນາຄົດນີ້, ບໍ່ຫານ ຈະສູ້ຊົນເດີນໜ້າຢ່າງບໍ່ລົດລະ ດ້ວຍຈິດໃຈ ແລະ ຄວາມກ້າຫານທີ່ເດັດດ່ຽວ, ເດີນໄປຕາມຄວາມຝັນຂອງຍຸກສະໄໝໃໝ່ ແລະ ຂຽນແຕ້ມເລື່ອງມະຫັດສະຈັນອັນໃໝ່.